تابعوا قناتنا على التلغرام
اخبار لبنانانتخابات لبنان

موقف لائحة “بيروت مدينتي” من انتخابات بيروت!

أوقفت حملتها في بيروت الثانية، وبيروت الأولى معركتها الأساسية” ليه ما انضمت مدينتي إلى اللوائح الأخرى؟

مدينتي حزب سياسي
عنا أنظمة وإجراءات
وكلنا هيئة مستقلة لاختيار مرشحينا بعناية حسب معايير واضحة.
ورفضنا مرشحين آخرين اللي منحترمهم جميعًا بس ما طابقوا المعايير

وكانت مدينتي الحزب اللي اطلق إئتلاف القوى التغييرية.

بالبداية، قبلوا كلن بآلية اختيار المرشحين
بس وقت جينا عالتطبيق ما حدا طبقه.

من هون اجا القرار انه نترشح لحالنا بلوائح غير مكتملة.
ليه غير مكتملة؟
لانه كل مجهودنا كان منصب انه ننزل بلوايح موحدة مع قوى التغيير.

ووصلنا ل هاللحظة..

وقبل ما نعلن عن قرارنا..
بس بدي ذكر انه سبب وجود بيروت مدينتي هو التغيير ،
إعادة بناء الدولة
وتحسين وضع اللبنانيين/ات على كافة الصعد

اليوم وضحت اكتر الصورة
وبعد مراجعة الوضع الحالي في بيروت الثانية وسلوك الناخبين لليوم،

عقد مجلس المواطنين في بيروت مدينتي اجتماعات مفتوحة لمدة ثلاثة أيام واتخذ القرار التالي لمصلحة الشعب والثورة.

بعد دعوات المقاطعة من كل المتضررين، والتأثير الذي قد تحدثه على مسار التغيير، مع إمكانية حصول أحزاب المنظومة والأحزاب الأصولية تحديداً على نسبة عالية من أصوات الناخبين/ قررنا وقف حملتنا في دائرة بيروت الثانية.

نحث جميع مؤيدينا وكل من تواصلنا معهم/ن وكل بيروتي وبيروتية في دائرة بيروت الثانية على الخروج والتصويت
والتصويت والتصويت ومرة أخرى
التصويت والتصويت.

ما فينا الا ما نعيد ونضل نعيد أنه ما في نتركهم بالسلطة.
لازم نعمل كل شي منقدر عليه
ونصوت بكثافة لاخراجن من السلطة،

كلن يعني كلن.

بالنسبة ل بيروت الأولى،

الأسباب نفسها بس الوضع مختلف،
نحن هلأ مقتنعين أكثر من أي وقت تاني
بضرورة الاستمرار في العمل في بيروت الأولى
لأنه منشوف بيروت مدينتي لائحة التغيير الجدية هناك.

وللتوضيح قد انسحبت فيرينا العميل وتسجلت بالمتن من اجل تسهيل الاتفاق في لائحة واحدة.

لما طلبنا تطبيق معايير الاختيار أيضا على مقعد الأقليات،
تم الرفض.

مرة جديدة وللأسف ،
كنا بدنا نقول للبنانيين إنه عم نقدم لكم أفضل بديل،
من أشخاص كفوؤين، نزيهين وناشطين وذو خبرة وإنجاز في الشأن العام،، موثوق فيهن ومنعرف كتير منيح انه قادرين على تنفيذ برنامجنا السياسي وعلى حمل تطلعاتنا إلى البرلمان.
ومنعرف كتير منيح أنهم رح يواجهوا بري، رعد ،باسيل ، وعدوان وشهيب
أو أي شخص قد يعاد انتخابه من المنظومة.

منعتذر انه ما نجحنا نتوحد
بس ما منعتذر ان ما ساومنا على المبادئ وعلى السقف السياسي

و ما منعتذر لانه عمنجرب نغير فعلياً
نغير بالشكل/ بالمضمون/ وبالنهج ومش بس بالشكل
منتمنى من الجميع يتعرفوا على مرشحينا/
وحتشوفوا :
ولا واحد منن داعمه مصرفي/
ولا واحد منن مستحي يلوم المصارف على سرقة أموال اللبنانيين/
ولا واحد منن كان بالمنظومة/
ولا واحد منن كان قريب من المنظومة/
ولا واحد منن كان مستفيد من المنظومة
ولا واحد منن كان فخور باتفاق مار مخايل اللي وصلنا لهون
لجهنم/
تعرفوا عليهم، قارنوا وانتو حرين مين تختاروا.

كنا ، ما زلنا وسنبقى مع لبنان سيد ، مستقل، خالٍ من اي تأثير أجنبي ، عادل ، عادل لجميع مواطنيه ، مزدهر، مدني وحاضن لكل ابناءه وبناته.

ختاماً ما فينا الا ما نشكر أعضاء لائحة بيروت مدينتي بدائرة بيروت التانية على كل التضحيات والتعب والمجهود اللي حطوه ونحن اكيدين انه كل هالمجهود مش حيروح هدر.

منتمنى كل التوفيق لكل المرشحين والمرشحات التغييريين الصادقين، الشرفاء، الوطنيين، اللي ما تعبوا من النضال، بكل لوايح لبنان.

اظهر المزيد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
//betzapdoson.com/4/5190373