تابعوا قناتنا على التلغرام
اخبار لبنانانتخابات لبنان

هكذا فاز… شقيق الخازن يكشف للمشككين النتيجة!

بعد فوز النائب فريد هيكل الخازن بالإنتخابات النيابية, بشقّ النفس, كتب شقيقه رشيد الخازن، عبر صفحته على موقع “فيسبوك”: “إلى كل المشككين بنتيجة فريد هيكل الخازن ومصدقين خبرية صندوق الصوانة رح خبركون خبرية هالصندوق”.

وأضاف, “الساعة 6 الصبح بيوصل على سراي جبيل صندوق من قلم الصوانة منتخب فيه حوالي الـ 400 ناخب واخد فيه المرشح على لائحة تحالف حزب الله والتيار الوطني الحر رائد برو حوالي الـ 350 صوت والمرشح محمود عواد على لائحة القوات اللبنانية حوالي الـ 20 صوت وكل باقي اللوايح والمرشحين حوالي الـ 30 صوت”.

وتابع, “هالصندوق بيوصل مغلفو مفتوح ومش مختوم اصولاً وبيعترض عليه محامي القوات اللبنانية الاستاذ غابي جرمانوس, بهالوقت محامي لايحتنا المحامي عماد الخازن لي كان موجود بغير غرفة مع غير لجنة قيد بيسمع الضجة وبيفوت وكمان بيقدم اعتراض عهالصندوق وبيطلب الغاء نتيجتو (السهم الاصفر)”.

ولفت رشيد الخازن إلى انه, “بتجتمع لجنة القيد المعنية وبتاخد قرار انو الصندوق صحيح (السهم الاحمر) بيرجع محامي لايحة قلب لبنان المستقل بيعترض عقرار رئيس لجنة القيد وبيطلب احالة الصندوق علجنة القيد العليا للنظر فيه ( السهم الاخضر)”.

وأردف, “هيدي الوقايع متل ما هيي وبيقدر كل شخص يطّلع عالمحضر الموجود بحوزة مندوبي كل اللوايح بما فيون محامي لايحة القوات اللبنانية الاستاذ جرمانوس يلي كمان دون اعتراضو عليه اضافةً للجان القيد وجمعيات مراقبة الانتخابات متل الـ lade والبعثة الاوروبية وغيرون”.

وأضاف, “انو صندوق مش اخدين في غير 3 اصوات وغيرنا فوق الـ 300 صوت كيف بدو يغير نتيجة الانتخابات لصالحنا؟”.

وتابع, “بتمنى عالكل يقرو ويتأكدو من كل خبرية قبل ما يحكمو وما يسمعو لحجج الخاسرين ونحنا جاهزين لكل مراجعة وتوضيح”.

وختم شقيق فريد الخازن, رشيد الخازن قائلًا: “شكراً لكل الاصدقاء والمحبين يلي وقفو حدنا وبنوعدكون متل ما تعودتو علينا نضلنا حدكون من هلق لاخر نهار بحياتنا”.

والجدير ذكره, أن الفائزين في دائرة جبل لبنان الأولى جبيل وكسروان هم, “زياد الحواط, رائد برو عن المقعد الشيعي, سيمون أبي رميا, فريد هيكل الخازن, شوقي الدكاش, نعمة افرام, ندى البستاني”.

 

اظهر المزيد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى